February 1st Dunidda \ Somalia Inta la og yahay hal ruux ayaa ku geeriyooday labo kalena dhaawac ayaa soo gaaray, kadib markii Kooxo Hubeysan xalay fiidkii ay weerareen goob dhalinyaro ku caweynayeen oo ku taal degmada Wardhiigley.
Kooxahan oo ku hubeysnaa Bastoolado ayaa dhalinyarada rasaas la dhacay iyagoo goob lagu ciyaaro ciyaarta loo yaqaano Play Station ciyaarayeen, halka qaarkood ka sheekeysanayeen ciyaaraha Horyaalada Yurub.
Qaar ka mid ah dhalinyarada ayaa markii rasaasta ka dhex bilaabatay kala cararay, waxaana koohihii hubeysnaa iyana goobta ay ka dhaqaaqeen markii ay ujeedkooda fushaden.
Laakiin labo ka mid ah dhalinyarada dhaawaca soo gaaray ayaa goobta yaalay muddo daqiiqado ah, iyadoo markii dambe ay heleen gurmad,
Xaafada dhalinyarada lagu weeraray oo aheyd halka lagu magacaabo Geed Jaceyl ayaa dhowaan waxaa dib ugu soo laabtay sanado kadib dadkii degenaa, iyadoo dhalinyarada ay qeyb ka ahaayeen dadka dib ugu soo noqday.
Bishii la soo dhaafay ayaa sidan oo kale goob lagu ciyaaro Play Station oo ku taal xaafada Buulo Xuubey sida oo kale weerar bam iyo rasaas lagu qaaday, kaasoo labo caruur ahi ku dhinteen qaar kalena ay ku dhaawacmeen.
